田蕊妮咬唇性幻想爆羅天宇呻吟

羅天宇餵阿田食士多啤梨，似乎都有啲拘謹！

田蕊妮（阿田）、羅天宇、林凱恩、曹永廉及李思捷等，昨日為無綫劇《她。她。她的少女時代》宣傳。前晚播出的一集中，天宇出浴騷肌並攬實阿田，問到阿田是否很多人羨慕她可以與小鮮肉做對手戲？她笑指身邊朋友都讚天宇靚仔到似整容。

笑吳業坤係廢青

天宇站在阿田身旁，全程硬晒軚兼標晒汗，阿田即笑他似「見家長」：「佢一同我開工就緊張，又不停用相機影我。佢本身性格溫文，但個角色要喝我，又同我有啲瘋狂幻想嘅戲份，有少少唔知點做，所以我叫佢咬唇電吓我，反正係我嘅幻想畫面，叫佢將我嘅幻想做一次。我最開心係同佢拍呢啲戲！（好過Part吳業坤？）吳業坤係廢青，唔同Feel，可以試多啲唔同類型。」她又大爆拍攝時經常聽到天宇的呻吟聲，因為對方不停做運動谷胸肌，而天宇表示跟阿田合作好正：「阿田各方面都好勁，我有時都會忍唔住跳出個角色睇佢演戲。」

阿田毫不客氣，狂摸羅天宇心口。	曹永廉有美女餵，因乜解究反晒眼？	余思霆拗晒腰，挑戰用長嘴茶壺斟茶。

林凱恩拋胸驚走光

至於林凱恩劇中拋胸演出，令觀眾睇到嘩嘩聲，她坦言：「拍嘅時候只係怕走光，顧得上唔顧得下，希望唔會令大家睇到好攰。朋友都估唔到原來我身材咁勁，其實係因為條裙細。（係咪底線？）都係，我去游水都係着潛水衣。」對於有傳她與阮政峰拍拖，她聲稱現時單身，與圈中人拍拖機會微。