關楚耀簽邵氏攻影壇
歌手關楚耀（Kelvin）正式與邵氏簽約，簽約當日正是邵氏高層樂易玲生日，可謂雙喜臨門！Kelvin加盟邵氏，成為陳瀅及方力申的師弟，坦言有意向電影圈作新嘗試，受訪時表示：「多謝樂小姐同團隊，可以畀個機會我同佢哋合作。（期望好大？）自己期望好大嘅，因為想參與多啲電視劇同電影，公司嘅製作好認真，好落本，自己入行咁耐真係未參與過。」
而Kelvin昨日到電台宣傳新歌，問到簽約後有何計劃？他表示：「依家簽咗一個月，磨合緊，暫時未知有咩計劃，等佢哋安排。」又說：「入行一段時間都係歌手身份多啲，未試過簽電影同拍劇嘅經理人公司，係個新嘗試，都係兩年前嘅《特技人》驅使，鍾意做演員同劇組嘅團隊精神。」
至於提到新歌《樹窿》，他透露由方皓玟作曲：「其實幾年前搵佢合作，當年佢畀咗一首歌我，就係《分手總約在雨天》，機緣巧合下我冇要到，好彩冇要，嗰首歌就成為咗佢嘅經典！今次呢首歌，佢就度身訂造畀我。」