日本國民組合SMAP的41歲成員草彅剛，出道25年甚少緋聞，但最新《女性SEVEN》雜誌首度拍到他搭上30多歲的長髮美女。日前，兩人被目擊到東京的日式燒肉店撐枱腳，離開時刻意前後腳兼保持約100米距離，徒步返回草彅剛的寓所，兩日後再出動醫肚兼歎香檳，其後分乘的士返歸。
食店顧客都表示多次見兩人撐枱腳。有相熟人士透露，草彅剛與女友已相識多年，直至近期才開始拍拖。有草彅剛的粉絲表示心碎，亦有粉絲替偶像開心，至於尊尼事務所例牌否認戀情。