Dear Jane開騷㷫合合除衫
樂隊Dear Jane前晚在會展開騷，穿乾濕褸登場的成員Howie熱到要求除褸：「太熱啦！裏面差啲熟咗！」即令全場觀眾爆笑，主音Tim先脫為敬，露出一雙麒麟臂，Fans即報以尖叫聲。成員見台下有粉絲舉燈牌支持鼓手Nice，即笑說：「好犀利！鼓手都有尊嚴！」去到個唱尾聲，他們向台下拋毛巾派福利，炒熱氣氛。
受訪時，他們表示能夠開騷皆因緣分，滿意歌迷全程反應熱烈。講到Tim在台上翻唱女歌手的情歌時欠少女味，他抵死說：「我拎唔晒出嚟啫！（唔拎出嚟，留番嚟做咩？）驚唔舒服，驚有人唔舒服！（有冇諗過轉吓路線？）我哋隊Band咩都玩，會作新嘗試！」Howie希望將來有更多機會與其他歌手Crossover演出。