談善言爭獎撻Q自認未夠班

由模特兒轉做演員的談善言，最近應東網巨星節目「海馬牌床褥特約」《閨蜜睡房》邀請擔任嘉賓，一連三集與主持李文珊（Sherman）分享入行趣事。

讚胡子彤有料

談善言第一次拍電影即獲金像獎提名「最佳新演員」，坦言當時得知消息還以為是開玩笑，又笑說：「我有心虛！」她認為自己仍未能獲得這個獎項：「覺得好似啲嘢唔屬於你，好驚人哋畀咗個錯誤評價我。」當年她不敵同片的胡子彤失落獎項，卻覺得理所當然，皆因對方演技出色：「我睇嘅時候，都覺得佢做戲好犀利、好勁！佢最叻係由一個識打棒球嘅人，扮成一個唔識打棒球嘅人，佢自己都話係最難嘅位。」

拍劇有大卡士

提到有份參演ViuTV劇集《婚外情》，與演技派的鄧萃雯及陳錦鴻合作，她笑言起初也不敢相信對手是大卡士：「同佢哋傾過偈後，覺得佢哋好Nice，就可以放開好大壓力嘅感覺。」

一頭短髮、外表硬朗的談善言性格男仔頭，坦言曾有同性對她表示好感，想了解她的感情生活及愛情觀？記得本星期五、六、日收看《閨蜜睡房》！