莊思明皮膚敏感被誤會整容
藝人莊思明、余思霆、JW、鄭俊弘與堪輿學家麥玲玲等，昨日到將軍澳出席《歡樂滿東華2017》新聞界招待會。穿着密實的思明否認因「限奶令」而收起性感：「我有啲皮膚敏感，化唔到妝，前排食完海鮮第二日起身腫到豬頭炳，望落大細眼，啲朋友仲以為我割完雙眼皮！」
而早前在台慶中贏得百萬大獎的余思霆，表示會捐出部分獎金，她笑說多了不少朋友：「好似啲人因為咁識得我，仲多過選到華姐冠軍嗰時！其實我拎到獎金都未同媽咪講，佢哋第二日就問我係咪有獎金，係紐約嘅朋友話佢知，證明TVB喺美國都好多人睇！」
同場的麥玲玲師傅則捐出一尊已開光的自在賞荷觀世音像供慈善拍賣，更會提供「售後服務」，替善長找出最好的安放方位。