蘇姍林子祥咀完又咀

歌手蘇姍前晚假麥花臣場館舉行個唱，台上嘉賓陣容強大，包括有好友林子祥（阿Lam）、「三嫂」戚美珍及一眾學生。壓軸登場的阿Lam兩度與蘇姍錫嘴仔，全場Fans不停尖叫！蘇姍開心地說：「佢習慣早瞓，留到咁夜好難得，仲要佢做完佢個騷，本身係返美國抖，但專登留多幾日幫我！仲話有其他Job都好，點都嚟撐我！」
蘇姍與林子祥老友鬼鬼錫嘴仔！
蘇姍與林子祥老友鬼鬼錫嘴仔！

當晚「洋葱位」落於播出囡囡Jasmine的越洋打氣片段，她因考試未能親臨現場，並大爆媽媽秘密：「佢淨係識煮3樣嘢，公仔麵、麻婆豆腐同蛋，我仲識煮過佢！」又感謝媽媽賺錢支持自己外國升學，令蘇姍爆喊：「佢話唔錄片，點知原來有，我都好感動！」最後個唱超時完結，問到會否扣歌酬交罰款？她笑說：「唔會啩？老闆好好嘅！就算要都冇辦法啦！為咗歌迷。」

蘇姍與戚美珍合唱。
  • 蘇姍與戚美珍合唱。