陳瀅買定3套泳衣騷Quali

藝人陳瀅、張頴康與太太麥雅緻及女兒、麥長青（麥包）與陳浚霆昨日為仁濟醫院賣旗，呼籲支持器官捐贈。陳瀅表示今次是首度參與賣旗，亦有簽器官捐贈卡：「但我婆婆就唔係咁鍾意，佢思想較傳統，想死後有全屍，不過我覺得個人唔喺度都可以幫到人，好有意義。」現場不少市民向她集郵，她笑言會叫對方買旗作交換。

另外，她透露今日離港，返溫哥華探親及到夏威夷出席友人的婚禮：「我最近好勤力做Gym，第一次去夏威夷，買咗三套泳衣，有一件頭同兩件頭，睇吓到時身形操成點再決定着邊套。」

至於麥包稱最近與浚霆齊齊為內地網劇拍攝，但兩人沒有對手戲，他笑說：「因為佢太低級，由我啲下屬負責處理佢。我好耐冇拍過劇，都擔心自己唔識做戲。」浚霆自爆之前拍了一場被摑的場口，被摑足半小時。