方大同邀巡唱嘉賓個個靚仔

歌手方大同昨日為周六、日舉行的《TIO靈心之子巡迴演唱會》香港站進行綵排，講到相隔五年半再踏紅館，他坦言雖然心情緊張，但相信今次會很好玩，因兩晚分別邀得不同朋友擔任嘉賓，預告全是靚仔：「其中有一隊就唱歌唔叻，但好有才華同埋講嘢好叻。（係咪農夫？）唔知呢！（農夫都叫靚仔？）唔靚仔咩？哈哈。」另一嘉賓則是他的師兄，兩人很久沒合作。
方大同透露邀請全男班嘉賓，其中有久未合作的師兄。
方大同透露邀請全男班嘉賓，其中有久未合作的師兄。

大同又指旗下藝人王詩安及其母亦會在個唱上唱埋一份：「因為佢有首歌係Featuring佢媽咪同我，佢媽咪係京劇老師，好期待京劇同現代音樂一齊玩會係點。」還透露近幾個月很忙，除了準備演唱會外，旗下兩位藝人將出碟，坦言消瘦了少許。

密鑼緊鼓綵排，屆時將自彈自唱。
  • 密鑼緊鼓綵排，屆時將自彈自唱。