今晚10點開騷 東網直播 sp'ACE孖石詠莉鬥唱爆火花
東網直播又有好嘢睇！樂隊sp'ACE與歌手石詠莉今晚10時會在東網巨星Facebook及東網App直播《Live Must Go ontv》，長達一小時獻唱多首歌曲，五子侍一后，肯定火花四濺！小心爆Mon、爆咪！
今次是sp'ACE與石詠莉首次合作，兩者同樣要求嚴謹，事前特別綵排備戰，務求以歌感動樂迷。sp'ACE五子表示屆時會直播唱新歌：「我哋最新推出新歌《別怕講再見》，係講關於感情斷捨離，放低對舊情嘅執着，再好好向前行，我哋音樂上同呢個宗旨都係相對嘅。」提到工作近況，他們露口風指正籌備年底舉行的音樂會，但詳情保密：「年中自有公布，到時見喇！」近日又不停翻櫃底，發現不少尚未推出的歌曲，將陸續在社交網面世，還有最新製作的快歌亦一一推出。
至於石詠莉同樣重視與sp'ACE的第一次合作：「之前已經約出嚟綵排過、練過歌，我啱啱推出嘅新歌《動態回顧》上晒主要流行榜，好開心！今年有兩個主要Project，一個係翻唱好經典嘅歌曲，另外做緊另一隻全新作品。」