蘇麗珊「超度」又南談情齋過手癮

藝人黃又南、蘇麗珊與袁富華等昨日到元朗，拍攝由夏雨監製的電影《冥通銀行特約：翻生爭霸戰》。又南與蘇麗珊戲中人鬼殊途，感情線較純情含蓄，蘇麗珊說：「又南係鬼，我就係負責超度嘅人，有好多古靈精怪嘢，有次就超咗佢返嚟，互相幫助對方實現任務。（有冇親熱戲？）我哋掂唔到o架！係最後先掂到佢隻手。」又南則說：「我哋距離好遠，唔可以有接觸，之後會加好多CG，到我變番屍體嘅時候，佢先第一次掂到我。」又表示近兩日通宵拍攝大場面，演員加臨時演員逾百人，當中有不少打戲，問到是否辛苦？他說：「我係比較大汗，但有操開所以唔辛苦，戥啲武師辛苦。」