Annie G.遊澳洲3歲女識男友仔
「八模兵團」出身的混血模特兒Annie G.（吳燕安），2015年為經營鑽石生意的男友Henry誕下囡囡Ariana後，一家三口幸福美滿。兩人早前帶囡囡到澳洲悉尼旅行，Annie表示整個旅程在朋友家中留宿，囡囡每日與友人的囝囝出雙入對，十足兩小無猜，連身為媽媽的她都覺得囡囡似熱戀中：「佢哋去邊都一齊玩，叫佢哋望鏡頭影相，個男仔突然攬住佢，我哋個個都『Wow』咗聲，仲要喺夕陽下好浪漫！」
大讚遊樂設施
屬半個鬼妹仔的Annie，除了喜愛澳洲的天氣和環境，對當地的設施更讚不絕口：「當地啲公園有畀小朋友玩水嘅地方，如果香港都有呢啲地方就好。澳洲人好親民，好多媽咪推住小朋友周圍行，感覺好Chill。」她透露男友Henry在澳洲讀書長大，故希望囡囡同樣接受當地教育，更早於囡囡1歲多時，為她報名申請入讀當地小學：「真係好誇張，做定準備都好，希望畀到好嘅生活囡囡。」
