李亞男佗「外星人」祖藍驚驚

藝人李亞男日前公布有喜，現懷孕超過三個月的她昨日出席書展活動，透露預產期是年底12月左右，BB的性別遲些再公布！亞男指老公王祖藍要忙電影及舞台劇：「可能要開刀，到時BB出世要就爸爸個期，但醫生話我夠高大，可以自然分娩逼到個BB出嚟！」她又爆祖藍很緊張，派全公司同事「護駕」她來書展：「有時照超聲波佢扮冇嘢，但其實好緊張，畀啲超聲波圖佢睇，可能似外星人啦！佢都話驚，我哋講笑話最好唔好似佢，唔好嘥咗我啲基因嘛！似番我高度好，不過似佢都係靚仔靚女嚟！」