夢想FC要做主場惡霸
港超球會夢想FC昨日假石硤尾公園舉行球季啟動儀式，除林衍廷及林樂勤目前跟港隊U23前往泰國集訓，以及陳皓駿和潘柏安分別因比賽和家事請假外，其他成員均有出席。據行政總裁梁智駒透露，球隊今季班費大約900萬至1,100萬，獎金並未計算在內，季前集訓會在泰國進行，主教練梁志榮豪言新球季要主場無敵：「我想喺青衣場全勝！」
今季夢想FC新球員多達14人，「細榮Sir」自信能在季前協助球員融入：「主要球員變動都係兩個外援同一兩個華人球員。謝敏榮、梁子駿兩個新兵，我都好了解佢哋嘅特性，所以我諗一兩場友誼賽就可以磨合到。」引進外援方面，夢想FC簽入前季效力元朗的巴西前鋒希堅奴，以及來自西班牙的馬高斯。
元朗舊將希堅奴衝得撞得
「細榮Sir」透露簽入希堅奴全因「有辦睇」：「我諗每個國家嘅外援都有佢嘅特性，巴西球員身體質素會強壯啲，我哋想有個前鋒衝得撞得。希堅奴之前喺元朗踢過，我哋都好了解佢，唔想嘥時間去觀察其他新外援。」
上季夢想FC在上半季表現驚艷，其中現效力傑志的鄭展龍更屬球隊「發電機」。不過，在「泡泡龍」離隊後，夢想FC的戰績隨即受影響。今季該隊引入曾在青年軍與林衍廷、謝家榮合作的林樂勤，「細榮Sir」對他寄予厚望：「我希望林樂勤、梁子駿可以起到類似嘅作用，林樂勤同林衍廷之前喺青年軍一齊踢，相信佢哋嘅配合會比起上季更加好。」
夢想FC新球季將繼續沿用3中堅陣式，「細榮Sir」希望藉此讓黎厚希進步：「我哋踢法上會繼續用3後衞，想畀黎厚希多啲機會踢。今次亞運佢冇入決選名單，對佢嚟講可能會好失望，我都覺得失望，因為佢係適齡球員，又唔係特別唔好，可能係踢法、狀態唔係咁適合，所以我哋會畀多啲機會佢。」
馬高斯落班HK因柏保路
夢想ＦＣ今季引入多名新球員，其中來自西班牙的馬高斯選擇香港全因同鄉：「選擇來香港踢波是因為好朋友柏保路，他經常對我說香港有很多美好的人和事，所以一有機會就來港嘗試。與他已認識多年，從未試過一齊效力同一支球隊，所以今次可說是圓夢。」首次來港的他自信能克服炎熱天氣：「坦白說，我對香港足球認識不深，天氣雖然很熱，但憑着我在歐洲踢球的經驗，相信適應香港氣候不是一件難事。」
謝敏榮：畀心機爭取出場
另外，由東方龍獅外借加盟的謝敏榮，他期望自己的經驗能夠幫助年輕球員成長，亦盼自己能夠在其他具經驗的球員帶領下，踢出好表現。不過，他亦謙稱要先做好自己：「嚟到呢度要盡力做好自己，如果有機會，我都好想踢多啲。我要適應球隊踢法，體能冇問題，但要畀心機去爭出場機會，唔係年紀大就一定有正選。」
夢想FC新季球員名單
門將
17 屠俊翹
30 梁文禮*
94 謝家榮
後衞
5 柏保路
13 謝敏榮*
15 陳偉豪
16 林衍廷
28 黃志聰
45 潘柏安
93 陳皓駿*
95 雷文迪
中場
6 北村祝*
7 梁子駿*
8 馬高斯*
10 祖亞昆
19 尹東憲
23 黃晉軒*
24 彭林林*
26 文偉峰*
27 林樂勤*
74 梁國威
84 彭超然*
88 黎厚希
前鋒
9 拿祖
11 希堅奴*
12 周志仁*
29 鄧子均*
99 朱偉鈞
*為新加盟球員