歌手黃翊為10月23日假九展Star Hall舉行的演唱會上電台宣傳，透露已寫好初步Rundown，正進入揀歌環節，屆時將演唱張國榮及張學友的金曲。問到會否特意去操肌？他自嘲冇肌操唔到，笑言：「主辦單位想叫我操二、三頭肌出嚟，話要畀驚喜Fans，依家都操咗個幾月，將腰嗰啲肥肉谷上去，仲有跟餐單食，暫時都減咗5磅。」至於問到太太情況，他多謝大家關心，更大爆太太最近再做鐵騎士，與朋友結伴外出。
