陳曉明：理文願景推動港足

昨日收操後陳曉明表示：「完咗澳門隊喺亞洲盃嘅任務之後，時機都幾適合，加上老闆嘅使命、願景都同自己睇法好夾，亦畀咗好大自由度我哋，我覺得係一個好好嘅平台，去延續夢想。」「曉明Sir」口中的「願景、使命」，就是盼望將香港足球推向更專業境界：「好多時大家都將港足唔夠進步歸咎於硬件、學校制度等，但係有啲嘢係我哋可以做到，譬如知識、能力同態度。另外我哋有全職嘅醫學團隊去支援，佢哋都好貼心咁去照顧每位球員。」

問到袁皓俊等4位球員為港隊出戰下月雅加達亞運，或會影響理文季前備戰，但陳曉明則表示全力支持他們：「我同會長李生（李文恩）嘅願景，都想為香港足球做一啲嘢，所以球會必定會配合港隊。我哋會全力支持入選港隊嘅球員，唔係得把口講，我哋會有額外嘅獎勵畀呢班球員，詳情稍後公布。」

「曉明Sir」重投香港球壇。

理文新援干沙利斯（左起）、雲貝基、白智勳及戴倫度同大家見面。

新季目標期望球員進步

至於新球季目標，「曉明Sir」期望看見球員進步：「我哋希望打到入前三名，最緊要係令到球員有進步。我同李生合作係一個3年嘅長期計劃，佢亦唔介意今年攞唔到冠軍，但係我哋每場都要以贏波為目標。」理文在開季前將進行兩次出外集訓，先於本月24至31日到昆明集訓，及後在8月中遠赴泰國進行季前熱身賽。

戴倫度信老友介紹

今季新加盟理文的4位外援白智勳、雲貝基、干沙利斯及戴倫度，昨亦有現身球隊操練。年僅22歲的巴西外援戴倫度透露，選擇來港是因為朋友：「我的3位朋友史提芬彭利拿、域陀和傑志的費蘭度經常對我說香港是個好地方。」問到新球季目標，他謂：「我希望成為正選並協助球隊贏得冠軍。」

至於首次來港的雲貝基稱：「練習非常辛苦，但我認為是件好事，皆因可協助我們發揮出上佳表現。」而他加盟理文只因球會理念相近：「球會一直與我洽談，我很欣賞他們的努力，球會渴望在新球季取得好成績，這點與我的想法接近。」

干沙利斯有信心適應天氣

來自西班牙的干沙利斯無懼香港酷熱天氣：「香港氣候雖然炎熱，但我之前曾踢過泰國聯賽，要適應並不太困難。」

理文2018-2019球季球員名單

號碼 姓名 位置

44 高俊* 門將

83 彭梓鍵* 門將

88 袁皓俊* 門將

5 干沙利斯* 後衞

6 余煒廉* 後衞

9 雲貝基* 後衞

14 方栢倫* 後衞

18 黃炎堃* 後衞

27 陳衍光* 後衞

29 余沛康 後衞

8 談樂軒* 中場

15 黃駿軒 中場

16 顏樂楓 中場

17 周家樂 中場

20 白智勳* 中場

21 羅俊仁 中場

30 域陀 中場

37 陳銘剛 中場

7 史提芬彭利拿 前鋒

10 戴倫度* 前鋒

11 鄭兆均* 前鋒

12 黎耀昌 前鋒

13 許嘉樂 前鋒

92 梁嘉恆* 前鋒

註：*為新加盟球員

圖/文：陳焌鏗