歌仔都有得唱：「一支竹仔易折彎，幾支竹一紮斷折難。」人類係群居動物，好多事情能夠齊心合力與夥伴進行自然事半功倍！好似傳谷英里香咁，樣子清新又可人，但係都要與一班好姊妹互相扶持先可以喺舞台上發揮本領！
相信大家對剛圓滿結束嘅足球盛事仍然回味無窮，唔知大家有冇發覺眾多國家足球隊當中鮮會再有以前嘅「單天保至尊」踢法，即係話好少有隊伍靠晒一位大球星帶住成隊波以取得勝仗，更多隊伍以整體踢法為主，事實亦證明球技強如C朗同美斯都唔能夠令球隊衝擊雷米金盃。而喺日本藝能界，唔少藝人都係要靠團隊合作至可以發光發熱，傳谷英里香同樣需要與隊友合作至成功成為藝能偶像。
今年22歲嘅傳谷英里香生得眉清目秀，予人一種深閨鄰家少女感覺，笑起上嚟天真溫馴又散發出令人大感窩心溫暖嘅治愈能量，真係甜到入心，故有「公主」及「空前絕後之美女」嘅稱號。一般嚟講，同英里香氣質相若嘅少女身材都唔係太弗，帶點嬰兒肥，但係英里香就唔同，胴體弗到幾乎顯出肌肉紋理，雖然咪咪唔大，但係擁有22吋纖腰，兩者之間嘅尺寸差別令胸部睇落較為豐滿，而且令整副身材更具曲線美。
傳谷英里香嘅身材之所以咁弗，相信係因為平時成日做運動。原來英里香外表斯斯文文，實際上係入水能游，出水能跑，玩田徑相當出色，早前喺一次女藝人50米跑步比賽中，就表現出超群嘅速度同反射神經喇。講番英里香嘅入行經歷，阿妹喺讀初中二年級時被藝能事務所睇中，從而成為藝能界一分子，及後參加過唔少由雜誌舉辦嘅選美活動，而喺《MissID 2014》就奪得「少年彩獎」。之後，英里香成為女子團體Baby Raise JAPAN成員，原來阿妹一心以成為黑木美沙同安室奈美惠為目標，不過英里香有怯場怕醜嘅毛病，而呢個團體起初只係安排成員作單獨演出，令英里香難以應付，好彩後來安排上有所改變，英里香能夠同其他成員一齊演出，喺大家互相扶持之下終於克服咗怕醜性格，今年4月英里香仲愈來愈大膽，拍攝性感水着寫真添！咁就啱喇，怕醜又點做藝人呢，而且大家都唔介意阿妹再大膽啲，演出再性感啲o架！
簡介：傳谷英里香自從拍水着寫真之後，好多網站同雜誌都搵佢作性感演出，從其社交網站就可以睇到好多阿妹近期拍攝好多水着照喇！
網址：https://twitter.com/lespros_denchan
年齡：22歲
身高：5呎2吋
三圍：32-22-33
撰文：賢