蔡一鳳挺6月肚逃命：BB起勢踢！

腹大便便的蔡一鳳自爆半夜走火警，事後自拍報平安。

在倫敦攻讀課程的蔡一鳳，昨日在社交網自爆走火警經歷及報平安，指其下榻的酒店在凌晨五時許發生火警，住在四樓的她立刻執拾重要物品逃生，見到有人僅以浴巾裹身衝落大堂，她留言：「我穿上衣服，把保險櫃裏所有嘢掃入書包，抓着桌上的手提電話（還不忘充電器）就往外跑。因為打電話跟酒店確認了是火警，所以真心覺得可怕。」懷有身孕的她逃生時臨危不亂，主動帶着一對韓籍老夫婦一起走樓梯。之後丈夫盛品儒（James）留言叫她小心，她回覆說：「已經好小心咁跑出去！」

唔考慮搬酒店

她接受本報電話訪問時表示不會考慮搬酒店，因步行往學校僅7分鐘：「我Book呢間酒店成三個幾星期，費事換嚟換去。酒店同學校好近，風景又靚，間餐廳啲早餐又好食，房間有晒微波爐小廚房，唔想換酒店。我諗應該冇乜大事嘅，聽講係廚房燒着咗啲嘢，不過凌晨五點響警鐘真係嚇死人，人生第一次住酒店要走火警！」

蔡一鳳上載走火警後，酒店外圍的照片。

老公盛品儒不在身邊，惟有隔空安慰蔡一鳳。

擔心燒晒BB衫

問到走火警時肚裏BB可有反應？她說：「佢一路踢我，我估佢都好緊張，初頭我以為係誤鳴，仲打去前台問職員，個職員好緊張即刻叫我走，走火警時我仲心諗『死啦，尋日先喺Harrods買咗好多靚BB衫，全部燒晒點算呢？』又諗如果啲行李燒晒，我應該可以返香港啦，點知James話：『我過去陪你再買過，反正你帶埋信用卡走火警，可以買新嘢。』」其夫目前身在美國，她笑言之後冇事返回酒店繼續瞓。