打到屁股開花!嚴崇天自爆綽號鹽焗雞

藝人嚴崇天(Douglas)小時候的暱稱都叫「天天」,但花名着實不少,同學仔叫他「鹽焗雞」、「嚴唇天」!天生雙眼又大又圓的他,可愛得經常被誤認是小妹妹,笑說:「聽番阿媽講,因為唔想浪費,嗰時我都係執家姐啲舊衫着,我又眼大大,夾硬畀啲女仔衫我着,搞到細個時出街,好多人都以為我係女仔。」

Douglas自覺性格算聽教聽話,但因媽媽比較嚴厲,對他要求又高,稍有頂嘴或成績未達標,媽媽就會請他食「藤條炆豬肉」:「阿媽係堅打,打到手手腳腳都有藤條印o架!夏天要着長袖衫先遮到醜,試過打到屁股開花,坐低都痛,老師問我做乜唔坐,我惟有話跌親個pat好痛囉!」而他細細個就鍾意打排球、踢波:「雖然踢波唔叻,但都好鍾意踢嘅。讀書時就最鍾意打排球,之前有套電影叫《人妖打排球》,所以同學之間成日攞嚟開玩笑。」