陳柏宇長氣唔怕囡囡嫌棄

歌手陳柏宇（Jason）、葉巧琳及組合小塵埃昨日到九龍灣演出，Jason透露日前開騷後休息不足，以致有點失聲，葉巧琳即笑他每朝都未開聲：「成日都聽到佢啲假音，我一起身講嘢就開到聲。」Jason自嘲多話，估計未出世的女兒會比較文靜：「通常屋企人好嘈，小朋友喺屋企就會靜，喺出面就會好動。（驚唔驚佢嫌你煩？）佢會騷我嘅，好文靜咁騷我，可能打個眼色。」提到父女日後可能只靠手機溝通，他即強調要中學才讓女兒用手機。問是否買了三張BB床？他笑說：「我買咗我嗰張，可以畀佢瞓嘅，遲啲先買BB床。」