張名雅宣布再佗B：今次係意外

無綫劇集《BB來了》吸引不少新手爸媽熱捧，一眾演員昨日出席宣傳活動，當中張名雅宣布懷孕4個月，現場見她腹部仍未隆起，孕味不濃。

作嘔作悶冇重過

獲老公Joe前來撐場的名雅，直言今次是意外：「其實我都好鍾意小朋友，依家囝囝一歲三個月，都有諗住生多個，但係冇諗住咁快，知道有BB之後好開心，係天賜嘅禮物！」未有劇在身的她透露初初懷孕時會作嘔作悶，又指體重幾乎沒有增加，BB發育正常。問到老公是否不放心，所以前來陪伴？她說：「唔係，因為落雨，咁佢車我過嚟，有陣時佢都會陪我開工。」

張名雅、Joe	張名雅宣布懷第二胎，老公Joe更傍到實。	范文雅玩遊戲，稍晒事業線。

同場的李佳芯獲讚演技出色，喊戲到位。問到劇集引起新手爸媽共鳴，是否意料之外？她說：「係呀！呢套劇好貼地，但係擔心太平淡。」問到拍完此劇會否想做媽媽？她說：「拍嗰陣有，但係知道責任好大！」

李佳芯學氹奶奶

劇中她與奶奶盧宛茵不時有衝突，可擔心將來亦有婆媳糾紛？她表示拍畢就懂得如何與奶奶相處，又指無論做媽媽還是奶奶都很辛苦。