劉穎鏇大髀任摸 「被姦」爭上位
無綫重頭台慶劇《踩過界II》強勢推出，其中前港姐劉穎鏇率先跑出，「性感大解放」激罕上演強姦戲份，超大膽演出比起蔡思貝、張曦雯等一眾主角更為突出，成功「姦上位」，掀起全城熱議！
在myTV Gold率先睇、並將於本月16日在翡翠台播放的《踩過界II》，日前公開精華片段讓大家先睹為快，上輯主角王浩信、蔡思貝及張振朗等再續前緣固然備受期待，而一班新加入的「港姐黨」亦同樣亮眼，包括劉穎鏇、鄧卓殷、簡淑兒及朱智賢等！當中劉穎鏇挑戰性感極限，「處女」演出強姦場口，不但被摸大髀，更遭扯爛上衣激露心口騷Bra邊，意識非常大膽，短短亮相幾秒已成為焦點，一「姦」成名，好比當年「秒姦」成熱話的徐子珊！
對於獻上「第一次」，劉穎鏇直言拍攝時心情緊張及感到尷尬，但全靠導演、對手及劇組的照顧，終順利完成。
鄧卓殷簡淑兒轉型
此外，鄧卓殷搣甩乖乖女形象，飾演援交少女受到網絡欺凌，最終自尋短見走上不歸路；至於出名童顏的簡淑兒，今次擺脫學生、妺妹角色，飾演大律師令人耳目一新，她對此大感興奮：「今次終於唔係學生，唔係阿女，係大律師呀！會上庭打官司，出入中環，做埋盲俠個徒弟添啊！請叫我郭大狀！」