師傅教落，想識女仔最緊要就係膽大、心細、面皮厚，換言之就係細心得嚟千祈唔好怕醜！而女仔想識男仔亦要勇敢大膽示愛，但係保持怕醜心態有時亦係一種吸引力，好似鈴木友菜呢位怕醜妹咁，就被封為「新治愈女神」。
青春美少女就好似一碗糖水咁，夠新鮮又足料，仲要夠甜，但係千祈唔好太甜，清清甜甜咁就最令男人嗒得滋味又滿足喇！大家正尋找呢種女仔？咁啱小弟我今日就為大家介紹一個，佢就係鈴木友菜喇。鈴木友菜現年25歲，但係踏足模特兒行列已經有十多年，因為友菜讀小學嘅時候已經為時尚雜誌《nicola》擔任兒童模特兒。
雖然友菜見過咁多世面，但係就冇同樣出道多年而又年紀相若嘅女仔一樣面泛老練及成熟氣息，依然青春味濃厚，散發出清新甜美以及陽光活力，令人精神一振。而友菜比其他美少女模特兒更優勝之處，除咗唔會一味傻笑賣萌外，仲有一副雪白又修長嘅好身材，難得嘅係高瘦得嚟上圍唔細，一對分量十足嘅C奶令佢拍水着寫真嘅時候可以自信地、盡情地挺胸演出！
剛才提及過，鈴木友菜讀小學嘅時候已開始模特兒生涯，不過直到2009年16歲嘅時候才成名，因為當其時友菜夥拍另一位青春妹妹武井咲首次登上雜誌《nicola》封面，翌年更成為雜誌《Seventeen》封面女郎，2014年更憑住秀麗氣質以及標致面孔成為時尚雜誌《non-no》專屬模特兒。
除此之外，友菜嘅演藝事業亦發展得相當唔錯，演出嘅劇集有《地獄少女》等，仲參演過電影《實習生》。至今友菜已經出道咗十幾年，但係上年年尾佢發覺自己原來好怕醜，當佢首次換上水着演出時感到相當難為情。雖然係咁，友菜喺拍攝團隊嘅鼓勵同支持之下，最後成功完成拍攝工作，亦展露出充滿治愈能量嘅甜美笑容，令友菜人氣再度提升，仲獲封「新治愈女神」嘅稱號。
簡介：喺鈴木友菜嘅Instagram當中，可以見到佢平時同朋友相處以及工作花絮，當然亦會見到友菜嘅性感寫真照，必定滿足到大家嘅眼球。
網址：https://www.instagram.com/yuuna_suzuki/?hl=ja
年齡：25歲
身高：5呎5吋
三圍：33-23-34
撰文：賢