李幸倪含蓄水着照只限側面
歌手李幸倪（Gin Lee）昨日到電台宣傳新碟，其中封面照穿Deep V裙上陣，造型性感，她笑說：「係呀！好似隻碟名咁，大膽而美麗。」
她透露早前完成演唱會後與家人去泰國旅行，趁機休息：「我哋租咗間別墅，一齊Hea吓咁，因為佢哋都辛苦，之前喺演唱會都有一齊表演。」提到旅程中上載側面泳裝照，沒有正面，她笑說：「我含蓄呀。（但係你演唱會好性感！）台上可以大膽啲，日常就唔需要啦，唔使吓吓都咁嘅。」問到之後是否有意在家鄉馬來西亞開騷？她坦言很想，又說：「依家都Plan緊巡迴，但可能喺內地先。」