羅霖湊兩條「頂心杉」呻苦

羅霖昨日身穿低胸露肩裝現身電台，講到接受節目訪問時被刺中兩大「死穴」而落淚，她亦忍不住眼紅紅說：「一個死穴係我爹哋媽咪，佢哋依家咁大年紀都仲要擔心我，而另一死穴係我三個仔，佢哋始終欠缺父愛。我有叫佢哋搵爹哋，但大嗰兩個仔有啲嬲，父子已經成年幾、兩年冇見。」她又指工作都不及湊仔辛苦：「依家佢哋有情緒、自己思想，仲難照顧！兩個大仔仲好激心，真係由心痛出嚟，講嘢夭心夭肺。」但會以「阿Q精神」去面對。問到可會幫兒子找個新爹哋彌補父愛？她表示現未有精神去投入一段愛情，想把精力留給父母、兒子及工作。