蕭正楠自誇大器早成笑馬國明「小」兒科

小心「銀」親你！
蕭正楠（左）笑馬國明的裸照唔使打格，擺明睇「小」對方！（設計對白）

無綫劇集《宮心計2深宮計》演員馬國明、蕭正楠、劉心悠與陳煒等，前晚到觀塘出席慶功宴。原本由陳煒請客，但酒樓老闆黃永幟得悉後爭埋單，她惟有改送電器及五位數字現金抽獎。席間，總監製梅小青問大家若劇集有30點收視，派甚麼「福利」給觀眾，劉心悠笑指會派「長照」，聽到個個一頭霧水，蕭正楠笑說：「我係應該負責翻譯嘅，佢意思係『床照』。」而他與馬國明則異口同聲指獻出童年裸照，更要求打格：「我細個已經發育得好好，馬國明就唔使啦！就算Post依家都冇事！」搞到馬國明笑說：「梗係唔夠你啦！」

劉心悠預告派神秘床照

提到與黃心穎的定情咀戲已出街，馬國明表示不少朋友及舊同學瘋傳Cap圖給他，又被「關懷」問「好唔好咀」：「我梗係唔答啦！當時拍咗兩、三次都冇人圍觀，周秀娜出浴戲就多人圍觀，我都有份！因為劇情講我要衝入去嘛！（網友話係定情之吻！）戲中當然係，角色定情啫！（現實咀得仲激？）嘩！我唔知點答，或者大家可以將畫面諗得浪漫啲，唔係猴擒。（心穎猴擒？）唔係！唔好講到佢咁主動，只係角色主動啫！」

一眾《深宮》演員出席慶功，預祝收視突破30點大關。	劉心悠將床照講成「長照」，好彩有翻譯。	劉溫馨與陳庭欣（圖）齊齊露肩上陣鬥性感。

• 劉溫馨

至於劉心悠承諾發放床照，更強調並非童年照及劇照，故作神秘，又指最近操體能準備拍動作戲，亦有跳Hip Hop減肥，最喜歡全身濕晒的感覺。陳煒則被問是否拿下「視后」再請客？她說：「希望錦上添花啦！依家言之尚早，希望保持到運氣。」並透露與無綫還有長約，但沒有被要求加簽。