無綫裁員60人 李寶安：唔會讓同事有財困！
最近有傳無綫裁員800人，專責海外行銷及發行節目的TVBI亦受影響，該部門昨日開始有員工「執嘢走」。據傳聞指，裁員除了因觀眾睇電視模式改變外，無綫亦只顧全力發展及宣傳Big Big Channel。
無綫行政總裁李寶安昨晚駕車離開電視城，承認TVBI裁減差不多60人：「呢兩、三年間有新技術部門，做新媒體都請咗160人、myTV SUPER請150人、big big channel又請100人，仲有big big shop呢，一路都加緊人。（其他部門受影響？）今次係TVBI，但其他部門應該會有。（有第二波？）唔好咁寫，係有啲工種自然會調整，所以冇話第幾波，我哋會不斷檢討。（節目被指冇創意令觀眾流失？）梗會有唔同意見，一間公司整體為大家着想就一定要改革，今日我哋面對緊好大嘅數碼革命，要盡快發展新媒體，否則死路一條。」他指今次裁員有幾個原則，除了不會讓同事有財務困難，亦承諾會寫一份好的履歷，讓他們另覓地方發展。
李佳芯：真係好愕然
面對突然裁員，藝人李佳芯（Ali）昨日現身電視城時表示全不知情：「咁多（60人）？真係好愕然，但冇聽過有同事同朋友受影響。」另一藝人譚俊彥則表示聽聞受影響人士多達600人：「聽到都未反應得切就要返嚟開工，今朝都係聽傳媒講！」在旁的陳山聰則表示聽到消息感愕然，但不相信節目欠新意而流失觀眾。
