古天樂獎項贈母親

影帝古天樂昨晚出席「第七屆香港薩蘭托國際電影節」頒獎禮,從意大利駐港總領事Antonello De Riu手中接過「傑出演員獎」。對於連奪6個電影大獎,他開心說:「尋晚已經食咗母親節飯,但今日攞到呢個獎會送埋畀媽媽,呢個母親節別具意義。」

傷頸椎骨醫年幾

古仔提早慶祝母親節,原來昨晚擔任古巨基演唱會嘉賓:「畀個驚喜佢,其實仲有其他嘉賓嘅。(五虎齊人?)唔話你知。(基仔有跳唱《今期流行》。)唔係啩?佢傷咗喎!佢出事嗰晚我有短訊問候,其實佢應該瞓覺時連敷兩晚冰,等啲神經線唔好繼續發炎。我舊年拍科幻片穿3、40磅盔甲,都整傷咗頸椎骨,搞咗年幾先冇事。」