古巨基被老婆爆屁股多橙皮紋

前晚古巨基在紅館演出第三場《WE我們古巨基世界巡迴演唱會》，全場爆滿。大前晚發生墮台意外的基仔，開場時向觀眾報告「病歷」，叫大家安心睇騷。期間，表演打鼓的5歲小孩笑基仔是「傷椎人」，笑爆全場。之後他落力跳唱15分鐘的舞蹈串燒歌，絕不欺場，全場拍爛手掌。
古巨基指太太帶來很多歡樂，故很喜歡返屋企。
古巨基指太太帶來很多歡樂，故很喜歡返屋企。

演唱會中段，基仔大爆太太當晚的爆笑事：「我去到醫院同醫生講跌親，我話除咗頸之外仲有一個地方都好痛，就係Pat Pat，醫生就叫古太幫我睇吓係咪瘀咗。落咗簾之後，我就拉低條褲露出半個Pat Pat畀佢睇，點知佢話：『瘀就冇瘀喇，不過橙皮紋就有好多囉。』我真係畀佢笑死，到呢個時候佢都依然帶到好多歡樂畀我，所以我真係好鍾意返屋企。」之後他連唱三首情歌冧太太。

基仔又稱父母連續三晚捧場：「發生事真係嚇親佢哋，想借大家掌聲話畀佢哋知，好多人錫我，唔使擔心。」

古巨基太太
  • 古巨基太太
小朋友笑古巨基是「傷椎人」。
  • 小朋友笑古巨基是「傷椎人」。