單立文跪低 湯盈盈除鞋等按腳

無綫劇集《愛．回家之開心速遞》一眾演員昨日出席「康乃馨大行動2018」活動，父母級的劉丹、呂慧儀、湯盈盈、沈可欣及姚瑩瑩獲安排按摩服務，湯盈盈即場除鞋讓單立文按摩，而當單立文孭着呂慧儀兒子「蟹籽」執玩具時，場面狼狽又搞笑！

送家傭母親節禮物

湯盈盈與呂慧儀表示晚上與家人慶祝母親節，盈盈更為家傭預備禮物：「話畀囡囡聽，姐姐都係人哋媽咪，佢哋係放低自己嘅小朋友嚟呢度照顧你哋！」呂慧儀被問囝囝有否送禮物？她說：「整咗條用飲管做嘅頸鏈，佢仲叫我戴返工添！」又笑指囝囝專制會管其衣着！談到與奶奶感情不俗，她說：「OKo架！佢錫我。」

單立文將「蟹籽」孭上身，做媽媽的呂慧儀緊張檢查孭帶。	張寶欣向母親獻吻。	《愛．回家》的「大小姐」林淑敏與「送水輝」許家傑「情侶」形象入晒屋。

張寶欣擇偶要圈外人

同場的張寶欣獲媽媽撐場，問到張寶兒的男友袁偉豪在母親節有何表示？張母尷尬說：「有嘅！（送咩禮物？）好有誠意嘅！」而張寶欣則表示想找圈外男友：「想工作以外有私人生活！（家姐同你呻冇私生活？）冇！」

文：影視組