衛詩唔識胡鴻鈞 許廷鏗尷尬傻笑
歌手許廷鏗和衛詩（Jill）出席飛鏢節活動，Jill提到度過了一個群星生日會，與家姐衛蘭、成龍、樂隊Killer Soap主音陳樂基等齊齊切蛋糕，她說：「之前都試過開大型生日派對，但未試過同咁大班Artists開。（同家姐會互相交換禮物？）我送咗空氣清新機畀佢，佢送咗啲藝術書畀我。」問到男友送了甚麼禮物？她坦言現時沒男友，好Dry，並整蠱身邊的許廷鏗，問他：「咁你呢？」許廷鏗笑稱自己亦好Dry，並反擊Jill「放箭」：「你今日唔係玩箭喎，係玩飛鏢！」
記者笑言Jill竟然問許廷鏗有沒有男友，是否不知道他跟歌手胡鴻鈞傳緋聞，Jill一臉茫然：「唔知，冇睇新聞，邊個嚟？」許廷鏗說：「個名嗰兩個字（鴻鈞）深，Jill唔識！」豈料Jill繼續問：「唔係女仔喎！」許廷鏗極為尷尬，只好傻笑投降：「好難繼續走下去！」