真係抽水無國界！早前巴勒斯坦加薩一間餐廳為表感謝，北韓顧客可享2折優惠。但莫講話有折扣優惠，即使免費任食都冇用，皆因當地根本冇北韓遊客，你話唔係抽水係乜！難怪裸模都日夜吹水，吹到完全唔使用腦都大有人在，好似Lilu M就係其中之一喇！
喺現今有Like有飯開嘅年代，你仲玩企硬，扮矜貴唔抽水，冇人會讚你有性格之餘，仲會笑你反應慢，你話呢個係咩世界？唔好諗喇，日子都係要過，諗得嚟人哋都做咗啦，即使做錯又如何？人人都咁善忘，好快就唔記得啦，你睇裸模Lilu M就係最佳人辦。佢從來都係靠吹水上位，入行兩年吹足兩年，國籍、學歷、三圍、身高等全部係老作外，連演出經驗都係吹水，當被人踢爆之後，佢更反指傳媒無聊，甚至轉移視線話各行各業都靠吹水，點解大家要針對佢喎！坦白講，巴打唔係針對Lilu M，只係覺得一件咁正嘅囡囡，其實光明正大晒波都已經大把人Like，點解仲要搞小動作嚟呃Like呢？好簡單，Lilu M嫌大家畀Like唔夠快同多囉！
被冠個「呃」字喺頭就點都唔好聽啦，難怪Lilu M多年嘅努力，巴打一直都無留意，例如佢初出道時以清純形象示人，到依家變得女人味滿瀉，睇得出阿妹有心喺業界發展，仲有佢由俄羅斯隻身去到英國及法國等地拍寫真，無非都係想開拓更多市場。無奈阿妹人未見聲先到，傳媒未問佢就吹定水先，內容都係涉合性愛話題，起初大家都會被Lilu M所言吸引，但係聽得太多，傻嘅都知道阿妹係亂咁吹水啦！
吹水多過晒波，對Lilu M嚟講究竟係好定壞呢？事實上冇人知道，總之Like阿妹嘅，當然要聽過佢亂吹水先安落，相反討厭佢嘅，就講乜都唔會支持囉！照咁睇嚟，Lilu M即使唔開拓更多市場，亦都無人可以搶到佢嘅飯碗先吖，況且吹水同抽水，基本上都係零成本，唔抽乾其實都算好畀面啦！
簡介：Lilu M鍾意抽人水，其實巴打咪一樣想抽佢水，當然係得個諗字啦，但幻想吓都爽吖，皆因佢嘅寫真量唔少，有興趣咪上呢個網睇吓囉！
網址：http://www.eternaldesire.com/model/lilu-m
出生日期：1993年8月17日
三圍： 32-22-33
身高：168cm
撰文：祖