余文樂沙塵滾滾搏盡袋半億
余文樂被傳以五千萬的天價片酬接拍網劇《冒險王衛斯理》，他也搏晒命拍武打及槍戰場面，更冒着沙塵暴與「晶女郎」胡然齊齊騎駱駝，食住沙拍追逐戲！對於余文樂的片酬，監製王晶爆料說：「樂仔片酬五千萬？佢片酬比呢個數再高呀！」至於張秀文在劇中晒「最強胸器」之餘，更被鐵鏈綁手吊高足足兩日。
網劇《冒險王衛斯理》明日在myTV SUPER率先上架，有傳余文樂以五千萬片酬接拍這部網劇，他在劇中飾演「衛斯理」，與「晶女郎」胡然有大量對手戲。樂仔亦絕不交行貨，在劇中打到飛起之餘亦槍戰連場，又到沙漠騎駱駝，在沙塵暴下拍追逐戲。談到樂仔的片酬高達五千萬，監製王晶笑指大家「收錯風」，更驚爆內幕：「樂仔嘅片酬唔係五千萬，係比呢個數再高呀！」不過他未有透露實質數字。
被鐵鏈勒到爆喊
34D「咪神」張秀文飾演樂仔的表妹亦同樣搏到盡，被林家棟逼她除剩Bra之餘，更被對方用鐵鏈綁起雙手吊高。張秀文透露這場吊高戲份沒有用替身，拍足兩日雙手被勒到有紅印，她說：「被人吊上吊落，我都真係畀鐵鏈勒到，嗌Cut之後痛到喊！」又笑指大家以為她是入戲而嗌得淒涼，令她哭笑不得。
文詠珊做藍血人
劇集的另一亮點就是文詠珊以「藍血人」造型示人，將嘴唇塗成藍色，十分特別，劇中她亦與黃浩然有親熱戲。
文：影視組