藝人郭秀雲兒子龐景峰（Andrew）昨日到電台宣傳新歌《UP IN THE AIR》，拿住湯壺的他自言感冒未清，幸得女友靚湯滋潤。
提到在MV中與女主角錫足七次，有傳惹來正印Peggy詐型，他說之後會考慮找女友演出：「但就唔係主角，嚟緊有首歌我打算搵啲圈中朋友客串，唔介意搵埋女友做路人。」Andrew又解釋女友將來想做老師，面對鏡頭生硬的她無意入行，至於日後會否被禁拍親密戲？他笑言：「女友明白只係工作需要。」
