千嬅負傷同余文樂鬥不文
楊千嬅在紅館重組「志明與春嬌」！邀得余文樂開金口擔任個唱嘉賓，更當住台下傳有喜且不懂廣東話的樂嫂鬥講不文。投入演出的千嬅，更自爆騷前被膠叉插傷上顎見血，負傷演唱。
一連11場的紅館《楊千嬅三二一GO演唱會》圓滿結束，前晚除了千嬅老公丁子高外，汪明荃、小美、黃浩然及Super Girls成員Yanny與男友等亦有捧場，而新婚的余文樂與太太王棠云亦有現身，但與余母未有一齊坐。盛傳懷孕的樂嫂全程用頸巾遮肚，令懷孕之說更似層層。
全晚高潮位乃唯一的個唱嘉賓余文樂在舞台中央升降台現身，與台邊的千嬅合唱，阿樂笑言登紅館非為千嬅：「我嚟最大原因都係因為個台。」二人在台上擁抱，阿樂笑說：「我喺下面好緊張，想搵個窿Q你快啲。」千嬅駁嘴：「你估啲窿吓吓咁易搵。」千嬅爆阿樂曾許下「你開演唱會畀個升降台我就嚟」的承諾，而他亦直認情迷升降台的高度：「一世人未試過喺紅館咁樣升上嚟，覺得好威，可唔可以升多次。」千嬅即藐阿樂太短視：「做人要威就威到盡，一升就升到盡。」阿樂接口搞笑大玩不文：「一係唔好扯，一扯就扯高啲。」千嬅即提醒他現場有小朋友。
期間阿樂表示找不到太太坐在哪處，得知太太坐第一行時，即笑說：「嚇死我咩！調到咁近坐，坐遠啲嘛！」他又自言可暢所欲言，因太太不懂廣東話，但千嬅卻「玩嘢」充當翻譯員。當阿樂獨唱時，情深地望住太太冧笑。
用針筒抽血泡
演唱會近尾聲時，千嬅感觸落淚，她在慶功宴上表示下個目標是做動作演員，因愛上似韓國殺手的自己。另外，她又自爆驚險事，原來她開騷前在車上食蛋治，卻因車急煞停時錯手被膠叉插中上顎：「支叉就插咗落喉嚨，發現有個血泡，喺正個吊鐘位前面，有提子咁大，搵醫生用針筒同我抽。」又指傷口甩皮後變成痛到飛起的痱滋，幸沒有影響演出水準，她說：「開埠以嚟都未試過有女歌手開騷前畀叉插親上顎，但呢個係人生好好嘅訓練。」又表示不知阿樂是否「雙喜臨門」。
文：音樂組