咪神鄧以婷飲酒疑遭落藥頭暈暈

無綫新咪神鄧以婷（Irina）在重頭劇《誇世代》及《溏心風暴3》分別有低胸及泳裝鏡頭，雖然戲份不多，但Irina身形Fit爆高挑，難怪廣被網友留意！臨近聖誕，Irina打扮靚靚向大家送祝福，並透露今年聖誕將出國，25號在飛機中度過，而往年她都會跟朋友開P飲番兩杯，問到酒量如何？她笑說：「我酒量好差，醉咗都幾恐怖，會情緒高漲係咁Rap！（有冇唔開心經歷？）試過有次疑似被人落藥，飲完人哋畀我杯嘢之後頭暈暈，好彩我覺得唔妥，走得切返去朋友身邊，自此更加小心，通常都係碰杯扮飲其實冇飲。」講到開P交換禮物，創意十足的Irina試過送糖及現金券，最特別是送番茄薯仔湯材料連煲！