賴慰玲穿羊水入院田蕊妮讚冷靜
已到預產期的女藝人賴慰玲（Winki）分娩在即，據知她昨日已在老公陪同下入院準備，昨午她以短訊回覆傳媒指「未生得」，而好友陳嘉寶在其Instagram中留言「乖契仔」，估計Winki的BB是男丁，不過Winki未有正面回應。
視后田蕊妮與視帝黎耀祥昨日出席商場聖誕活動，阿田透露前晚獲好友賴慰玲短訊告知穿羊水：「尋晚臨瞓前都問住佢生得未，等緊好消息，預產期係今日（昨日），佢穿完羊水Send Message畀我，好犀利，佢好冷靜。（佢話拎住走佬袋周圍走，變得神經質。）好好笑，不過今日未打畀佢。（會做契媽？）佢已經有好多個，我要做輩份大啲，契婆或契弟。」