專業性治療師及兩性關係輔導員何慕詩，表示倘若男方有外遇並想挽救夫妻關係，應坦白從寬，紙始終包唔住火，應盡早解決問題，以免問題日益惡化。至於女方若得知另一半有外遇則別詐傻扮懵，她說：「因為男方係唔會感到有危機感，所以女方要正面處理，先要畀男方知已經被識穿東窗事發，但又唔可以責備，反而需要先自我反省點解男方會有外遇，係咪自己某方面不足？唔好以為自己已經做到好好，要諗點去補救，所以女方需要很大的EQ。」
她續說男方應先取回女方信任，先了解外遇成因從而對症下藥，例如是另一半缺乏某種因素而需要向第三者身上取到？是否貪新鮮？最重要當下處理避免雪球效應令問題愈滾愈大。她說：「總括嚟講，一段關係係雙方，大家係咪希望去修補同共同解決？但如果任何一方去意已決要分開，另一方要死纏亦唔係妙法。如果兩個尋求唔到出路，需要搵專業人士提供協助。」