譚小環卸港姐光環樂做親善大使

現時少在幕前亮相的譚小環擔任東網巨星節目「海馬牌床褥特約」《閨蜜睡房》的嘉賓，接受主持李惠儀（Kiwi）訪問。講到她於2014年轉投飲食界，與老公蔡強榮及朋友夾份開小食店，問到要卸下藝人光環，轉行創業困難嗎？她坦言：「困難在於Set up成盤生意，多過光環。」又表示反而開心可以落區聆聽市民的意見，不介意孭住「香港小姐冠軍」名銜做平民化的事，她笑說：「有少少似做咗『親善大使』，佢哋有咩意見都會同我講。」

細個陪媽媽開檔

小環解釋做小食店生意是因為媽媽以前在華富邨做小販，自己陪媽媽開檔時可以周圍食嘢：「我懷念呢啲街頭小食，所以2014年同朋友傾想搵啲嘢搞吓，我哋都鍾意呢啲篤魚蛋、食燒賣，所以決定集資，畀兩年時間自己，贏嘅就繼續做落去，輸就當發咗場夢。」她直言現階段最大目標是希望開多些分店。

淡出娛樂圈的小環仍有戲癮，最想做貼地的角色。	小環向主持Kiwi剖白為何退出幕前。	小環與老公蔡強榮婚後一直恩愛非常。

大讚老公轉數快

而講到與老公的相處，小環透露對老公做過最Sweet的事是整蛋糕：「雖然佢唔太鍾意甜品，但我一手一腳整，佢都會畀面食幾啖。」她又冧爆表示最欣賞老公叻：「佢腦筋轉得快，所以最初生意要Set up嘅嘢都係問佢，生意方面佢有經驗過我。」現時半退出娛圈的她坦言會心思思想拍戲，今年亦有客串電影，現時會想做一些貼地的角色，例如在街市賣菜、賣魚。小環亦提到當初為何退出幕前，想知究竟是甚麼原因？記得本周五、六、日留意東網巨星的《閨蜜睡房》！

文：音樂組