糖妹透視晒「肉地」
藝人糖妹、陳曉東及黃翊等前晚到紅館演出《星光熠熠耀保良》，以假透視裝示人的糖妹說：「呢身打扮配合我載歌載舞，入面有塊肉色布o架！（可以再性感啲？）要等結婚先！雖然我未搵到男朋友，但聖誕都有好多好朋友好錫我！」
陳曉東大談個唱安排：「第一站係澳門，香港申請緊場地，我影咗演唱會海報，支票都收咗，可以買聖誕禮物！（夠買樓、買車？）老婆會掟清單過嚟o架啦！」至於黃翊則說：「我廿幾年冇喺紅館演出，今次仲首次同黃寶欣同台。（想喺紅館開騷？）有人搵，我之前參與咗啲唔同演出，儲緊信心，希望2018年可以有自己演出！」