胡楓為紅館騷日接夜趕工

藝人胡楓（修哥）前晚聯同羅蘭及吳君麗結伴睇音樂會，修哥將於明年2月於紅館開騷，問到吳君麗是否嘉賓之一？修哥望住對方說：「睇佢肯唔肯喇，扭扭擰擰。」吳君麗即說：「一定嚟捧場。」訪問期間，剛演唱完的阮兆祥現身後台，見修哥即關心其準備情況，修哥稱已如火如荼，但因還有兩劇要開工感疲倦：「今日朝早06通告，一直拍到夜晚6點！呢度完咗之後又要返廠開工。（吓！幾點收工呀？）收凌晨4點，但呢個係我要求嘅，希望盡快拍完我嘅戲份，一心一意去做演唱會，所以由今日（3日）拍到7號。」獲祥仔讚精力充沛，修哥說：「你都話我有病，有精神病嘛！」