城城讚大眼囡囡得意:識講「媽」!

天王郭富城(城城)昨日以研創人身份出席自家護髮品牌發布會,他直言今次是演藝事業以外人生另一階段,學習從商。提及日前女兒Chant容貌曝光,可見眼睛大大,他說:「係大眼得意,佢依家三個幾月,我睇到佢開始識講『媽』,大家覺得好奇怪,雖然唔純正,但係開心事。」他直言如果品牌成功,將來可能會交畀囡囡打理,又透露剛拍完電影,在拍攝期間好多時要拍十多二十小時,太太便會拍下女兒的日常生活片段給他,在公餘時間可以睇。而聖誕節會與家人享受天倫樂,過完節日會準備上海跨年騷。

問到近日有傳沈嘉偉與余文樂反目一事,他以「耐人尋味,啼笑皆非」去形容,指認識沈嘉偉三十年來從未見過他與別人反目,在心目中對方是個好人及好爸爸。