65歲夏韶聲徵婚：28至32歲識煲湯！
前日65歲生日的歌手夏韶聲（Danny Summer）到九展出席頒獎禮，但他笑稱自己只得28歲。問到曾四度離婚的他可想再娶老婆？他即列出條件，叫28至32歲、懂得煲湯的女士應徵，認真識揀！
Danny前晚在《十大最受歡迎演唱會暨樂壇頒獎禮2017》上，獲頒「殿堂搖滾成就大獎」，笑言在台上說了很多：「呢個『殿堂』好鬼重，揀喺我生日畀我，值得去記住。」他透露已和女兒吃飯慶祝，但沒想過對方與孫仔會在頒獎禮台上出現：「嚇咗我一跳，好在真係我個孫。（你驚咩？）如果有個女人拖個細路嚟，叫佢嗌我爸爸就即死！」提到生日，他笑指自己並非60幾歲：「我依家28歲之嘛！（生日願望想再婚？）如果有28至32歲、識煲湯嘅咪嚟應徵。講笑啫，依家事業緊要，世界又唔好，識煲湯都死。」他坦言已經起碼4年沒有想結婚，現時生活舒服又開心，因為身邊有經理人和很多人幫手。
盧巧音跑步傷腳
同場的歌手盧巧音（Candy）透露右腳受傷，但原因未確實：「可能係前一日跑步整到，腳踭上面舊骨腫咗。（老公Sammy扶你返去？）我自己一個人，辛苦都要行返去。」問到老公可會心痛？她稱沒有通知對方，因對方離港工作。提到12月20及21日在麥花臣場館開騷，Candy指綵排冇受影響，但原定拍攝關於跑步的MV就要取消。談及舊愛余文樂結婚，Candy表示已回應是開心事，當記者再追問，她笑說：「唔使我祝福啦，咁多人祝福，我見到面先祝福。」她指兩人會否見面要看緣分，又稱冇留意對方的太太如何。
連詩雅晒腿吸睛
至於身穿白色露肩裙現身的連詩雅否認性感：「我冇乜特別嘢可以露，都係腳同膊頭。」她指得獎歌《不甘示弱》比較抒情，所以衣着上穿得簡單一點。此外，得獎的胡琳、J.Arie及簡淑兒同樣以性感造型示人，而歌手陳柏宇、孫耀威及樂隊太極等亦有出席，至於許冠傑、譚詠麟、五月天、周杰倫及鄧紫棋則缺席頒獎禮。
文：音樂組
攝：劉斌