王書麒關寶慧爆靈異經歷

藝人王書麒昨日在柴灣接受關寶慧主持的ViuTV節目《晚吹-總有一瓣喺左近》訪問,大談登台靈異經歷,他說:「我老婆(許秋怡)好大膽,有次話喺酒店房床尾見到個男人黑影黐住床邊行,佢話兜腳踢咗個黑影落嚟,佢好強唔信呢啲嘢。」關寶慧則說有次到劉玉翠屋企打牌突然見到有個影行過,由贏錢變成輸清袋,她說:「之後話畀劉玉翠聽佢屋企有嘢,叫佢搵屋搬,佢話知o架喇,後來就搬走咗!」