踢5歲小拍檔屁股捱轟 謝賢我好錫班細路!

現年81歲的資深藝人謝賢早前參與內地綜藝節目《寶貝的新朋友》,與一眾小朋友大晒溫馨「爺孫情」,在最新一輯節目預告中,5歲小男生拍檔說了一句不禮貌說話,謝賢當住鏡頭前起腳踢該小男生的屁股,火速引起網民熱議。

不甘被責即駁嘴

當時謝賢問小拍檔想吃甚麼,小拍檔卻沒有反應、不回答,謝賢對住鏡頭慨嘆,指他經常不吃東西,小拍檔不甘心被責,即大聲反擊:「今天一天到晚都是吃吃吃吃,是吃貨呀?」謝賢疑似不滿他冇禮貌,輕輕起腳踢了小拍檔的屁股一下。未料預告片播出後,有網民覺得即使小朋友做錯也不應體罰,並指謝賢的教育方法已過時!

「佢哋好乖好黐我」

不過有追看節目的網民卻大讚謝賢對小朋友一向有愛心及耐性,認為今次玩的成數多於體罰,只是表現出與小拍檔的「友誼」。本報訪問謝賢今次被指「過火」一事,他說:「下次唔咁過火,我好錫班細路,嗰日冇踢落去,人哋點寫,由佢!(班小朋友黐唔黐你?)黐到暈!我成日同佢哋玩,佢哋好乖!」

文:專案組