影相一定要瘦！沈卓盈貪靚「胸」男友

無綫藝人沈卓盈（Jess）、張寶兒及朱智賢等昨日到荃灣宣傳明珠台節目《夢想創未來II》，Jess身穿低胸裝騷兩吋事業線，玩遊戲時不時掩胸防走光。講到早前上載旅行泳衣照獲網民狂讚，Jess默認照片是圈外從商男友Calvin所拍，又讚他攝影技術好：「得一個上晝天氣好，要影得好快，估唔到啲相幾靚喎！其實佢（男友）同我影相都有壓力，驚我唔滿意，我要每一個鏡頭都好瘦！」
蜜運中的沈卓盈風騷晒事業線。
蜜運中的沈卓盈風騷晒事業線。

至於張寶兒表示有欣賞男友袁偉豪主演的劇集《使徒行者2》，前晚更睇到眼濕濕，講到男友在劇中狂騷肌，她大方地說：「練咗唔騷就好嘥！作為一個藝人，應該全面有好多嘢騷，我都想自己有好身形畀大家睇。」

張寶兒全情投入玩遊戲。
  • 張寶兒全情投入玩遊戲。
朱智賢氹小朋友都有一手。
  • 朱智賢氹小朋友都有一手。