李彩華搵李彩華做嘉賓吹色士風
李彩華（Rain）昨日為本周五在旺角麥花臣場館舉行的《十月的雨》演唱會排舞，穿露腰背心Tee的Rain與舞蹈員跳唱葉玉卿的《擋不住的風情》，最後一個動作是Rain攬實女舞蹈員作狀咀嘴，問到開騷時會否「真咀」？Rain笑說：「可能會o架，佢咁Sexy咁索，可能係我想咀佢。」問到Rain特意安排與女舞蹈員攬攬，是否怕男友何遠恒屆時在場(目及)住？她說：「唔係，拍戲都會錫，嗰Part個女舞蹈員扮男仔，啲男舞蹈員走晒，佢先變番女兒身。」
預告歌衫性感
Rain透露個唱將有兩位特別嘉賓，其中一個是跟她同名同姓、從事漁業批發的李彩華：「佢會幫我吹色士風，另一個嘉賓係好朋友胡渭康。」距離開騷日子僅餘數天，但她直言心情不太緊張：「當係平時唱K咁開心唱，唔好咁嚴肅，想大家輕鬆咁享受。」弗爆的她坦言沒有為開騷節食，亦沒操練馬甲線：「好難操，冇刻意唔食啲乜，食量同平時一樣，唔食嘢冇力唱，一定會暈。」她又預告歌衫非常性感：「好多套都好通爽、通透，總之大家會好開心有眼福。」
日前Rain到內地工作後患感冒，故排舞後要看醫生：「要開騷就係咁，好彩係輕微，要快啲好番。」她自嘲在舞台上經常「蝦碌」：「我試過好多次跳跳吓或唱唱吓突然一片空白，試過有次同蘇永康做騷，唱唱吓個腦空白咗，咪狂笑囉。」
