網傳代購11月個唱 軒仔發聲明澄清

近年張敬軒在網絡及演唱會上,先後化身「降兩度」及「火龍果」演出,扮嘢功力簡直出神入化,日前他以代言人身份拍攝枇杷膏廣告,不忘加入搞笑元素!

首條廣告片中,軒仔一人演兩角,扮演行山友及自己的肺。開場時,「行山軒」被拖着後腿,最後發現原來因沉迷打機令身體變得又乾又虛,拖着他的正是「阿肺」!這個「阿肺」造型相當娛樂性,軒仔身穿彩色波點睡衣、Bob頭加大眼鏡造型,加上七情上面的演技,網民笑指其歌唱事業耽誤了其諧星天分。另一條廣告片中,軒仔再以「阿肺」現身,講述因主人晚晚煲劇搞到內傷。被問到可擔心被定型為「諧星」,他說:「其實都係想透過唔同方法,畀唔同年齡層嘅觀眾認識我嘅音樂同演技。」

另外,軒仔所屬的英皇在官網發出「重要呼籲」,指發現有人在網上聲稱可代購他在11月假紅館舉行的演唱會,但個唱未作公開或內部發售,亦絕不會許可或授權代購,指是疑似詐騙行為,促請停止發布虛構訊息,將保留法律追究權利。