孫穎搞慈善騷 打造世界級舞台
鋼琴家孫穎將於下月在邵氏片場舉行《「照亮你生命」慈善晚宴音樂會》，親力親為的她，日前百忙中抽空視察場地，為這個雲集國際音樂高手的慈善音樂會研究舞台細節。孫穎指今次場地布置別出心裁：「過往我哋喺世界唔同場地表演過，今次揀邵氏片場，因為呢度可以搭建出一個好靚嘅舞台，可以將好多創意變成真，今次音樂盛宴會令每位賓客好似置身奧地利維也納去欣賞表演！」
孫穎指表演內容亦充滿驚喜：「節目鋪排一浪接一浪，唔止聽音樂，大家仲可以欣賞到世界頂尖芭蕾舞天后譚元元同交響樂團精彩互動，仲有國際知名二胡大師陳軍，同佢女兒陳依妙父女檔精彩演奏，以及莫斯科愛樂交響樂團震撼演出！」是次演出作為孫穎與鋼琴大師劉詩昆成立的「中國全球音樂教育協會」第一炮，冀望可以為基層兒童擴闊音樂視野。
譚芷昀獻聲
此外，本來答應參與音樂會演出的譚芷昀（Celine），盛傳因要出席另一個演出而臨時甩底，主辦單位「中國全球音樂教育協會」發言人表示：「我哋協會喺9月21日收到佢哋簽返嚟嘅合同，但10月初收到Celine經理人公司發出嘅電郵，話Celine喺11月18日有其他活動，只能出席協會19日嘅音樂會。」Celine經理人解釋當日將到三亞為「第67屆世界小姐決賽」義演，屆時聯同李成宇一齊為人道主義獎得主Rocky Marciano神父獻唱致敬，並宣揚街頭兒童的奮鬥求生意志，皆因兩項活動俱甚具意義，才作出此安排，Celine翌日才為音樂會表演。
文：影視組、音樂組