譚順生懶理負評Celine狂讚老竇靚仔

憑美國才藝真人騷《全美一叮》爆紅的9歲「小巨肺」譚芷昀（Celine）昨日一身可愛造型出席活動，與爸爸譚順生炮製麵包，司儀問Celine覺不覺得爹哋靚仔？她即賣口乖說：「世界上冇人靚仔得過我爹哋！」對於未能進身《全美一叮》決賽，Celine說：「好開心有呢個經驗，識咗好多朋友。」她自言以學業為重：「想同朋友一齊多啲，以前冇乜同朋友返學，返咗學先，過幾個月再參加比賽。」又說參加比賽時向學校申請兩星期假，亦有在美國上堂及做功課。